El pouleen de Nadal (Bellini)
Jump to navigation
Jump to search
El pouleen de Nadal
Dopo en mes de fareui, pan e farina,
T’ò vediit de ’na griglia a pindouloon;
Sgoulousiavi te crud cousé in berlina,
E de nott m’insougnavi el ciceroon.
De Nadal finalment vèen la mattina;
Been lavat, incoussat, nett dai moursoon,
Coumme in cesa se ved sant in vedrina,
In poulera i t’à miss coun divouzioon.
Inlardat, coun bouteer, sal, ousmaréen,
I te foutt al supplizi del brasèer,
Pover martir d’ingourd e del Bambéen!
Seu n’ala toua bèn cotta dal fournèer,
Voula i penser in ciel, coumme angeleen,
E i va nel paradis a fa poulèer.