გურშა ქომიხუტოლეთ
Jump to navigation
Jump to search
ტანი თქვანით მახუაფუ,
თქვანით ვორექ ჩალაია,
გურშა ქომიხუტოლეთუ,
ჯალეფჷ ოქვაჩალაია.
გურშა ქომიხუტელეთუ
ეკობეჭილჷ ოროთი,
ნიტე ვამხუმუანდას
თქვან სინთესუ ღორონთი.
ბრელშა მიძირჷ ჸოროფილჷ,
წყარც თქვანცალო ელებირდჷ,
კუჩხეფჷ ვიშო ენუძუდ დო
ორკოლცჷ ბონუნდჷ ხელეფით.
ჸოხ, წყარჷ მუჭო ხვარჩალანდჷ,
ქუეფს მუჭო ვარკალანდჷ,
ჩქიმ ჸოროფა შურდგუმილს
მის აღინე ართჷ ღალათ!
ტანი თქვანით მახუაფუ,
თქვანით ვორექ ჩალაია,
გურშა ქომიხუტოლეთუ
ჯალეფჷ ოქვაჩალაია.